اردبیلده بایرام موناسیبت ایله آزربایجان قایدالاریندا ده یرلی تؤر

اردبیلده بایرام موناسیبت ایله آزربایجان قایدالاریندا ده یرلی تؤرن توتولدو.

 آزربایجان اؤیرنجی حرکاتی (ارد بیل): ایللر سونرا دون آخشام ساعات 7-11 گؤزل اردبیلیمیزین تختی ایدمان ائوینده ائلیمیزه بایرامین گلیب چاتماسی موشدولوغون تکم گتیردیر. بو بایرام تؤره نینین سیخینتیلاردان آسیلی رئکلامی اولمایاراق 3000 نفره یاخین قاتیشان اولموشدور.قورولموش سئوینج مجلیسی اردبیلین ساوالان شبکه سینین کیملیک سایان و آزربایجان کؤلتور و فولکلورون ده یرلندیرن  بیر سیرا آکتور و ساناتچی لارینین امگ ایله اؤزه للیکده داور فرمانی جنابلاری شهریمیزین تیاتر رئژیسیور(یؤنه تمن) و یازیچی سی رئژیسیورلوغوایله باش توتموشدور.

وئریلیشین آراسیندا آزربایجانیمیزن بایرام دب عنعنه لری گؤزه ل و درین و چئشیدلی شکیلده نوماییشه قویولدو. او جومله ده ن: تکم اویناتماق-سارای تیاتر قروپونون بایرام قایدالارینی(شال ساللاماق-قولاق دورماق-اود یاندیرماق-سودان آتیلماقو...)نوماییشده گؤسترمک-آزربایجان موسیقی قوروپونون گؤزل ماهنیلاری-تبریزدن گلن ایلدیریم قوروپونون لزگی وورماسی و....تؤره نین ان گوجلو یئری وئریلیشین ایکی آپاریجیسی(فرشی خانیم و احد بئی)جنابلارینین تورک دیلینده شیرین و قوراللی دانیشیقلاری اولموشدور. قئید ائتمه لییم بو تؤره نده آزربایجانیمیزین بؤیوک آرتیست لری: ودود موؤذن زاده-بهاالدین خوراسانی-مهندس اتابک-قودرت پور حسن-محبوب بئی-حجت بئی و طاهیر جاهانگیری و...ائتمیشلردیر.