گاموحون یئنی ایستیفا وئرمیش اویه لرله باغلی بیاناتی

گاموحون یئنی ایستیفا وئرمیش اویه لرله باغلی بیاناتی

اؤرگوتوموزدن آیریلان دیرلی سیلاحداشلاریمیز!

میللتیمیزین میللی قورتولوش آماجی ایله بیر آرایا گلدییینیز گوندن بری ، سیز عزیزلرین اؤرگوتوموزون گوجلنمه سینده بؤیوک ائتگینیز اولموشدور.

اؤرگوتوموز ، میللی حاقلاریمیز و میللتیمیزین قورتولوش هارایین اولوسلار آراسی آلاندا یانسیتماق اوچون ، یوردوموزدان قیراقدا یاشایان یوردداشلاریمیزدان یارارلانماغی اؤنده توتدوقدا ، سیز عزیزلر میللی اؤندریمیز چؤهرقانلی بی ین آرخاسیندا دورموش و الینیزدن گلنی اسیرگه مه میشدینیز.

اؤرگوتوموزه قارشی دوشمن و آنلاماز دوستلار طرفیندن آپاریلان سالدیریلارین  آراسی کسیلمه ین آنلاردا ، سیز دیرلی اینسانلار بو  سالدیریلارا سینه گرمیش و بوتون سوچلامالارا دؤزموشسونوز.

اولوسلار آراسی آلاندا بؤیوک اوغورلاریمیزدان ساییلان ، دئولتسیز میللتلر تشکیلاتی UNPO اؤرگوتونه میللتیمیزی اویه لندیرمه ده و میللی بایراغیمیزی اورادا دالغالاندیرمادا سیزین رولونوز دانیلمازدیر.

بیز گاموح اولاراق میللتیمیزین قورتولوش آماجی ایله چئشیتلی یؤنتملرله موباریزه آپاران تشکیلاتلارین وار اولماسین یارارلی بیلیریک.

گونوموزده کی ایچ و اؤزللیکله دیش چئوره میزین بوتون دولاشیق اولماسی اوجوندان ، چئشیتلی چیخیش یوللاری و موباریزه یؤنتملری ایله اؤرگوتله شن سیلاحداشلاریمیزین وار اولماسی، بیزجه دوغالدیر. بو ندنله ده ، تشکیلاتیمیزین دیش قولوندان آرا- سیرا آیریلانلار و یئنی قوشولانلاردا اولور.

سیز دیه‌رلی اینسانلاردا الده ائتدیینیز بیلگی لر و دنه ییملرله، یئنی بیر یؤنتمده موباریزه نی سورمک ایسته میشسیز.

بیز گاموح اولاراق، سیز عزیزلرین ایندیه دک اؤرگوتوموزه چکدییینیز امکلری دیه‌رله ییب، سیزه یئنی توتدوغونوز یولدا اوغورلار آرزولاییریق.

اوموروق بو یئنی لیکله میللتیمیز اوچون داها آرتیق یارارلی ایشلر گؤره جکسینیز.

یاشاسین آذربایجانیمیز

یاشاسین میللی لیدر چؤهرقانلی

یاشاسین میللتچی اولان مونتقید و موخالیفلریمیز

گونئی آذربایجان میللی اویانیش حرکاتی- گاموح