اولو تانرینین آدیلا
آذربایجان اؤیرنجی حرکاتینین" دؤنیا آنا دیلی گؤنؤ" حاققیندا بیلدیریسی
ایللردیر دوداقلاریمیزدا چیرپینان سسیمیز یاساقدیر. نه گؤزلریمیزدن قوشمالار اسدیرمه یه حاققیمیز وار نه قولاقلاریمیزدا بایاتیلاری گزدیرمه یه.
ساری تئل گلینیمیزین آغزی قانلی دیر، دیلی کسیلمیش. خزردن کوروغلو هارایی قوپور، ساوانلاندان قورقود ده ده میزین ناغیللاری، اورین دن قوپوز و آراز سانکی جیران بالاسیدیر دیلین ایتیرمیش سوت سوز... .
اوشاقلاریمیزین دیلیندن قارقیش دؤشمز، قارانلیق قوروقچولارینا ایتحاف!
آتا لاریمیز دوستاقدا، آنالاریمیز دا کؤوره ک اؤره ک لرین تندیره یاپیرلار، دیلیمیز یاساق! سسین کلسین باری بؤلبؤل...
کیمی لری چؤرؤمؤش سؤمؤکلرینه مدرن پالتار گئیدیریب، کیمی لریسه گئری چیلیگی باغیرارکن دیلیمیز کسیلدی بیزیم، یاساق لاندی، دوستاقلاندی ...
" هئ...ی دلی لریمیز، بوگؤن چنلی بئلیمیز، یالنیز آنا دیلیمیز!"
آذربایجان اؤیرنجی حرکاتی، دؤنیا آنا دیلی گؤنؤن، یاساق دیللی میللتیمیزین اؤنؤنده باش ایه ره ک، قوتلاییر، بؤتؤن میللی حاقلاریمیزی، اؤزه للیکله تانری سل دیلیمیزین اؤیره تیم حاققینی الده ائتمک اؤچؤن اولوسال ساواشینا گؤنؤ گؤندن آرتیق آندلی اولدوغونو غورورلا سؤیله ییر.
اوغور مؤطلق بیزیمدیر.
دوداقلاریمیزدا آنا دیلیمیزده ظفر نغمه سی چالاسی ...
گلهجک بیزیمدیر
آذربایجان اؤیرنجی حرکاتی
20 فئوئرال 2008
www.azoh.blogsky.com
